Ślōnzŏk rajzuje: Autostopym przez Izrael
W niedzielę 6 maja o godz. 17.00 w halo! Rybnik (ul. Jana III Sobieskiego 20) odbędzie się spotkanie z rybnickim podróżnikiem Patrykiem Świtałą, autorem bloga Ślōnzŏk rajzuje / Silesian travels. Będzie to opowieść w języku śląskim o pełnej przygód wyprawie do Izraela.
Rybnik
Oto jak do wzięcia udziału w wydarzenia zachęca sam Patryk Świtała:
W grudniu 2017 wybrali my sie z kamratami na autostopŏwani po Izraelu. Mieli my mniyj wiyncyj wymyślōny plan rajzy, ale zarŏzki po wylōndŏwaniu ôkŏzało sie, że we naszym fligrze bōło tela autostopŏrzy, iże muszymy zmiynić trasã, żeby w ôgōle ruszyć z miyjsca... Jak już my wszyjstkŏ przeôrganizŏwali to sie zaczōło ćmić, wiync piyrszõ noc my spyndziyli kole egipskij granice na plaży Morza Czyrwonego. W nastympnych dniach dotarli my mjyndzy inkszymi do Jerozolimy, kieryj poczōntkowo my wcale niy planowali ôdwiydzać. Wizyta w tym mieście niy bōła jednak nojlepszōm decyzyjōm. Dwa dni pryndzyj Zjednoczōne Sztaty uznały go za stolicã Izraela. Uzbrojone po zymby wojsko, zamachy, wyścigi rakiet z antyrakietami na niebie nad Jeruzalym - to wszyjstko dzioło sie tak gibko, że ani niy bōło czasu sie boć. Niyskorzij pojechali my tyż do Palestyny i nad Morze Martwe, kaj z rana ôbudziyli nŏs policajty i kŏzali swijać namioty. Jakby jednak przigōd bōło mało, to na 3 godziny przed powrotnym lotym wylōndŏwali my na pustyni ôddalonyj ô przeszło 200 kilometrōw ôd lotniska. Na szczyńści jakiś Beduiny ôdwiōzły nŏs do cywilizacyje, skōnd my już niy mieli wyjścio i musieli my zrobić ściepã na nojdrogszõ w życiu taksōwkã.
Wstęp wolny.